شنب العمر
"ايه عنوان الراجل ؟" سألوا مجموعة
من الناس
فشعره ؟ ولا فكرشه ؟ ولا فجزمته
الأكبر مقاس
وقفِت هى وسط الجميع وقالت "شنبه
اكيد
ده بيخلى الراجل جميل ومن نوعه ..
فريد"
من اول نظرة دخلت البنت فؤادى
واتمنيت يبقالى شنب زى بتاع الولا
فادى
وفى لحظة قررت .. شنب ؟ ده لازم
أربيه
عشان تحبنى وقلبى .. تتعلق بيه
وبعد محاولات وايام من التشويك
والعذاب
ربيت شنبى زى ما قال الكتاب
روحت قلتها شنبى اهو واهو انا
عشانك قعدت اربى فيه سنة
سبتنى ومشيت من غير اسباب
وجريت لصاحبها اللى عند الباب
زعلت شوية والحب الفاشل ده نسيته
وحبيت شنبى اللى تعبت فى تربيته
ده شنبى جميل يأسر الف قلب وقلب
ويوقع تحت منه ميت شابة .. وشاب! ;)
الناس تشوفه تقول "اووه
انكوايبل..
ده رهيب وفظيع ومشفنهوش من
قبل"
ياسلام على جمااله ورقته
ولونه وشكله وقصته
لو صبرت عليه شوية كان يتبرم
وكان وقف عليه نسر الحرية المحترم
بس عملوها الاشرار فى نص ليلة صيف
وقضوا عليه بموس حلاقة وكريم
وافترشيف
وراح الشنب وراحت الوجاهة
ورجعت تانى لوش التفاهة
لـ مصطفى الشابى
