تَمرد حتى أراك !
الحياة صعبة بكل ما فيها ..
حب ، حياة ، فُراق ، موت
بس فيها اللى بيحليها
ضحكة فى وسط التعب تهون عليك بلاويها
أو صاحب فى وسط الزحمة يحميك ويخليك تجَاريها
أو واحدة بتساندك مكنتش تقدر تعيش غير بيها
بس فى الأخر الحياة صعبة بكل مأسيها
أوعى تفتكر أن الحياة زى فيلم الكارتون
الناس الطيبة فيها اللى بدّقُون
والشرير بيمشى فيها من غير هدوم
لا !
الطيبين فى الدينا دى هم شرذمة قليلون
والأشرار بقوا منتشرين فيها زى الطاعون
واعقل واحد فيهم هم الأتنين هو المجنون
الطيب مش بيكسب فى أخر المعركة
عشان الدنيا مش فيلم كارتون
الدنيا دى غابة مفيهاش قانون
والفوز فيها للشرير ، أما الطيب
فأخرُه نظرة عطف من المتفرجون
عشان كده .. تَمرد ..
تَمرد يمكن يبقى فيه دولة قانون
تَمرد يمكن المطالبة بالعدل مايبقاش جنون
تَمرد يمكن تعيش حياة حلوة زى الافلام
تَمرد يمكن ماتموتش زى ما ماتت كتير من
الأحلام
تَمرد يمكن تعيش بشرف ولو مرة
تَمرد يمكن متضرش تسافر برة
تَمرد عشان أبنك يعيش
تَمرد عشان رغيف العيش
تَمرد وكفاية سكر وزيت
تَمرد عشان ترجع الكهرباء فى البيت
تَمرد وربى أولادك على الوطنية
تَمرد وأوعى تبيع القضية
تَمرد وأخلص من الخوف
تَمرد وأدبح الخروف
تَمرد وشيل الأخوان
تَمرد عشان مصر متستحقش اللى خان
تَمرد حتى اراك
تمرد واحنا كلنا وراك
مصطفى
زكريا الشابى
ليست هناك تعليقات:
إرسال تعليق