فى الشارع !
فى الشارع فى ناس كتير
فى ناس بتمشى بوشها
وفى ناس بتمشى بكرشها
وفى اللى ماشى يسبح
واللى ماشى يحسبن
واللى مش سايب بنت غير لما عليها يتفتوٌن
وفى اللى بيغنوا وبيزغرطوا
واللى بيفكروا فى هم العيال
اللى عايزينهم يتزغطوا
وفى اللى بيمشى يحب فى التليفون
واللى ماشى يبص على الفيزون
واللى رايح يقبض المعاش
واللى نفسه يعمل مساج
واللى نازلة تشترى خضار
مع ابنها اللى بياكل فشار
واللى عارف ان فى واحدة بتحبه
بس عامل فيها حمار
ناس كتير ماشية فى الشارع
وكل مخ مشغول
فى اللى بيفكر فى الفلول
واللى ضد الثورة بس خايف يقول
واللى شايف حال البلد وواقف مذهول
واللى فى واحد فى عيلته أخوان
بس مكسوف يقول
مليون وميت واحد فى الشارع مشيين
وعشر انفار فى أوضة واحدة متجمعين
وجرابيع ماسكين حال البلد واحنا عليهم ساكتين
مبنعملش غير اننا نديهم جزء من التفكير
واحنا فى الشارع ماشيين
مصطفى زكريا الشابى
**ملحوظة .. تم كتابتها وانا ماشى فى الشارع
ليست هناك تعليقات:
إرسال تعليق