تدبيسة !
يا جدعاان .. اللى جاى ده طلع لسبب واحد بس
... أنى اتدبست !
حطيت
أسمى فى عرض مواهب وانا مش مجهز اى حاجة ممكن أطلع بيها بعد اما الكمان باااظ ! ..
المهم .. حبة الزجل اللى جايين دول بيتكلموا عن حاجة واحدة بس .. وهو عن عمل تطوعى
اشتركت فيه ، وعبارة عن مجموعة محاضرات عن السياسة والأقتصاد والذى منه من كلام
مهم ! والمشاركين فى الآخر بيطلعوا يعملوا نموذج بسيط لمجلس الأمن !
وأحب أقول حاجة أخيرة .. ان الموديل ده فعلاً
عظيم بكل من فيه .. وانا مبسوط انى اتدبست معاهم.
******************
أفهم وركز معايا عشان الكلام اللى جاى كبير
حكلمك فى كلام مفيهوش لازواقة ولا تجميل
ام اس سى يعنى ستاف ملوش مثيل.
يعنى شادى وأدهم وسباعى وناس غيرهم كتير.
يعنى سيشنز بتتعمل وبتطالب بالتغيير.
يعنى
أمخاخ شغالة ومش بتوقف تفكير.
يعنى دليجتس عندهم أحلام بجنحات بتطير.
فى
جنينة الواقع يزرعوها.
وأن شاء الله يحققوها.
ويغيروا المجتمع اللى عايشين فيه.
من حقنا نسعى للتغيير.
وان كان حياخد وقت كتير.
فهو لازم فى يوم حيصير.
اوعى تستسلم فى يوم.
وان يوم وقت اكيد هاتقوم.
وتحقق أحلامك اللى كانت بتطير.
وتخلصنا من واقعنا المرير.
صدقت ان كلامى مفيهوش تزويق.
ده مجرد نصح من صديق.
نفسه يشوفك فى يوم ماشى حر.
مش متكتف زى البطريق.
******************
بعد الكلمتين دول الناس سقفولى .. وواحدة
بعتتلى شوكولاتة .. بس ربنا العالم اذا عجبتهم فعلاً ولا لا ..
مصطفى زكريا الشابي
حلوه اوي :) :) :)
ردحذف