القلم
ساعات بلاقى نفسى فاضى ومش بعمل حاجة فبقول
أكتب او مكتئب وحزين فبقول أكتب وفى بعض الأحيان فى حالة حب وغرام فبقول أكتب ..
مش بقول على نفسى شاعر وكاتب وكده ... تقدروا تعتبروا اللى بكتبه ده مجرد ...
تفاريح .. حزن وفراغ وجوع وحب وحاجات فوق بعضها كتير مش عارف تعبر عنها غير
بالورقة والقلم.
**********************
القلم
الوسيلة
للتعبير عن الالم ..
بوصف حزنى وغلطي فى طريقة أبداع
مش غرضي في يوم إن الكلام ده يتباع
انا بس عايز الناس تقرا وتفهمني
يمكن فى يوم يستفيدوا من
غلطى
اوعي تستهين بالقلم وقوته
القلم
ده ممكن يهزء رئيس بسلطته
ويفتح
للثورة طريق مكناش عارفين سكته
مش بقولك كده عشان تنضم معنا
وتيجى تكتب ويانا.
انا بقولك عشان ممكن فى يوم تحتاج لحد تحكليه
من غير ما ينافقك ولا يضحك عليك
فمتلقيش غير
القلم تشكيله
وتسمع رأيه من غير م يتفلسف عليك
سلام وأشوفكم فى خاطرة جديدة
تكون
من نوعها فريدة
والى اللقاء
**************************
وحتى الأن انا عند رأيي انى مش بعرف أكتب ..
وانى زهقتكم بتأمُلاتى.
مصطفى زكريا الشابي
ليست هناك تعليقات:
إرسال تعليق